എറണാകുളം: അങ്കമാലിയില് ഓണാഘോഷത്തിനിടെ അപകടകരമായ റോഡ് ഷോ നടത്തിയ വിദ്യാര്ത്ഥികള്ക്കെതിരെ നടപടിയെടുത്ത് മോട്ടോര് വാഹന വകുപ്പ്. തുറന്ന ലോറിയില് അപകടകരമായ തരത്തില് നൃത്തം ചെയ്ത് വാഹനമോടിച്ച ഫ്രിജോ, ലോനച്ചന് എന്നിവരുടെ ലൈസന്സ് എം വി ഡി സസ്പെന്ഡ് ചെയ്തു. ഓണാഘോഷങ്ങളുടെ ഭാഗമായി എറണാകുളം ജില്ലയിലെ വിവിധ കോളേജുകളില് റോഡ് ഷോയും മോഡിഫൈ ചെയ്ത വാഹനങ്ങളുടെ അഭ്യാസ പ്രകടനങ്ങളും നടക്കുന്നുണ്ട്. ഇതുമായി ബന്ധപ്പെട്ട് നിരവധി പരാതികളും മോട്ടോര് വാഹന വകുപ്പിന് ലഭിച്ചിരുന്നു.
ഈ പരാതികളുടെ അടിസ്ഥാനത്തില് നടത്തിയ അന്വേഷണത്തിലാണ് 4 കോളേജുകളിലെ വിദ്യാര്ത്ഥികള്ക്കെതിരെ നടപടിയെടുത്തിരിക്കുന്നത്. സമാനമായ തരത്തിൽ നിയമലംഘനം ശ്രദ്ധയില്പ്പെട്ടതിനെ തുടര്ന്ന് ആലുവയിലും മോട്ടോര് വാഹന വകുപ്പ് കേസെടുത്തിട്ടുണ്ട്. മൂവാറ്റുപുഴ കോളേജിലെ ദൃശ്യങ്ങളും എം വി ഡി പരിശോധിച്ച് വരികയാണ്. സംഭവത്തില് കൂടുതല് പേര്ക്കെതിരെ നടപടി ഉണ്ടാകുമെന്നാണ് മോട്ടോര് വാഹന വകുപ്പ് അറിയിച്ചിരിക്കുന്നത്.
Content Highlights: MVD Takes Action Against Students Over Dangerous Road Show During Onam Celebrations in Angamaly